ព្រះសីហនុ៖ ក្រុមប្រតិបត្តិការស្វែងរកសមត្ថកិច្ចចម្រុះ និងកម្លាំងជំនាញមុជទឹក បានរកឃើញសាកសពបុរសម្នាក់ ជាឪពុកដែលបានជួយសង្រ្គោះកូនពីរលកទឹកសមុទ្រ តែជាកុសលត្រូវរលកបក់បាត់ខ្លួនកាលពីរសៀលថ្ងៃទី១១ ខែ មិថុនា ឆ្នាំ២០២៣ នៅម្តុំឆ្នេរអូរឈើទាល។
បុរសជនរងគ្រោះមានវ័យ ៤០ឆ្នាំ ឈ្មោះ ហេង ពិសិដ្ឋ ដែលជាអ្នកដំណើរមកកម្សាន្តលេងនៅឆ្នេរសមុទ្រខេត្តព្រះ សីហនុ។ តាមសេចក្តីរាយការណ៍ពីសមត្ថកិច្ច ក្រោយទទួលដំណឹងនេះ ក្រុមអ្នកជំនាញបានពង្រាយកម្លាំងរុករក ជនរងគ្រោះតាំងពីល្ងាច រហូតដល់ព្រឹកថ្ងៃទី១២ ខែមិថុនា បានរកឃើញសាកសពបុរសនោះ។
ជនរងគ្រោះបានលង់ទឹកសមុទ្រ ក្រោយពីបានទៅជួយសង្គ្រោះកូនដែលលង់ទឹក ដល់ពេលបានរុញកូនឱ្យរួចផុតពី គ្រោះថ្នាក់ ប៉ុន្តែជាកុសលជនរងគ្រោះជាឪពុកបានលង់ទឹក និងបាត់ខ្លួនបង្កឱ្យមានការភ្ញាក់ផ្អើលដល់ពលរដ្ឋដែល មកកម្សាន្តលេងនៅទីនោះ៕
ព័ត៌មានជាច្រើនទៀតសម្រាប់អ្នក
